الكتاب عبارة عن محطّات مثيرة من حياة الكاتب، رسخت في ذهنه رسوخ شجرة التوت في أرض منزل عمّته الوحيدة بالبرج، وظلّت ملازمة فكره كلزوم ملامح جدّته للأب وهي توصل بعباءتها الصوفيّة البيضاء جارتها اليهوديّة وثلاثة من أخواتها إلى منزل أبويها بحي باب صالح بنابل بعد تأكّدها من زوال التهديد النازي في سنوات الجمر التّي عاشتها الإنسانيّة في أواخر الثلاثينات وبداية الأربعينات من القرن الماضي بعد أن أقدمت بشجاعة الأبطال من الرجال على إخفائهم عن الجنود الألمان في مخبا آمن من منزلها الفسيح بحي الراعي بنابل

قعدت ساعة ساعة نتلمحها في فرح من بعید، تزيد ناري تلهب ونمرض ونروح عيني نقبل العزاء لين قرب وقت مرواحي للبلاد خاطر الخدمة اللي مشيت على خاطرها في القرية هذيكا قريب توفي. وقتها صارت المعجزة !

مانعرفش لوكاني معجزة والا رحمة من عند ربي باش يبردلي کنيني... المفيد اللي المرا اللي حبيتها تعارکت مع راجلها وبالتنر فیز خرج من سینتو و طلقها بالثلاث وبعدها ندم وكلى البصل وحب يرجعها. أما الشريعة واضحة في الحكاية هاذي، ما فا حتى راجل ينجم يرجع مرتو بعد ما طلقها بالثلاث كان لما تعرس براجل آخر. وجرات العادة والغرف بأنهم يعرسوا للمرا هذيكا بر اجل على ليلة وحدة ويحلف بيمين على شرفو أو يطلقها من غدوة. الراجل المحتل هذا اسمو التياس.

كثيرة هي البصمات التي تطمس بعد مغادرة أصحابها دفة السلطة ... ففي مقدور المسؤول أن ينجز شيئا ما زمن تحمله المسؤولية وبالتالي فلمن يخلفه القدرة أيضا على محو ذلك الإنجاز. وبذلك ينتفي مفهوم التراكم والتواصل في الشأن العام الذي يبقى مرتهنا بأهواء الأفراد ، وهو بحسب تقديري ما ينخر منظومة الحكم محليا كان أو مركزيا في بلدان جنوب الكرة الأرضية، إذ أن بلدان الشمال قد تخطت منذ زمن بعيد عتبة الفردانية في الرأي وأضحت تعتمد بالأساس، في مجال ما اصطلح على تسميته بالحكومة الرشيدة، على مؤسسات ضامنة للاستمرارية، والقصد من ذلك هو النأي قدر المستطاع على إهدار المال العام وتفتيت القدرات وكذلك تثبيط العزائم

لما يجرني الحديث في بعض المناسبات مع أفراد العائلة أو حتى مع بعض والأصدقاء إلى استعراض بعض المحطات التي صادفتني في حياتي الخاصة أو كان لها ارتباط بالحياة العامة يلوموني عن ترك هذه الحقائق في مهب النسيان ويلحون عليّ بأن أسجلها كتابة باعتبار أن كثيرا منها يدخل في نطاق التاريخ الذي ينبغي أن لا يبقى مجهولا. فكرت كثيرا وعزمت على تسجيل هذه المحطات التي رتبها القدر في حياتي وكاد بعضها أن ينهيها. هذه الورقات تعرّضت فيها إلى ما عشته سواء قبل أو أثناء مباشرتي لمهنتي كمحام أو كعميد للمحامين أو كأول وزير عدل بعد ثورة "17 ديسمبر 2010 / 14 جانفي 2011" أو كأحد مؤسسي حزب حركة نداء تونس أو عندما شرّفني سيادة رئيس الجمهورية المرحوم الباجي قائد السبسي بتعييني وزيرا مستشارا ممثلا شخصيا لرئيس الجمهورية وقد حاولت رغم بعض الظروف بأن أقوم بواجبي بكل جدية وإخلاص

حد ما يعرف وين يهزني التخمام و لا فاش نخمم و إلا سر الضحكة لي نضحكها بيني و بين روحي كي نصنع فيلم و نشيخ بيه، كي نتذكر نهار موش عادي كنت ناسيتو، و قداه أحلام و أمنيات تهبطلي في الليل و الحكايات ألي صارت بالحق و الأخرى لي مازالت جرد سيناريوات. حد ما يعرفني خلفي...

ساعات نغزر للمراية و نحاول نفهم لي نرى فيه زعمة حقيقة ولا منام؟ نحل عينيا مليح... لا مانيش نحلم. هذا وجهي إلي في المراية أما مذبال و كل شيء فيه متبدل و خزرتي ما تتفهمش...

يوميّات امرأة حالمة هي يوميّات أستاذة تونسيّة، تخوض تجربة كتابة اليومي فتدوّن حصيلة يومها خوفا عليها من النسيان محاولة تثبيت لحظات من حياتها برسمها على الورق. ويوميّاتها أيضا رحلة في عالم «الأنا» تحاور فيها الذّات ذاتها لتفكّر في ما يشغلها، وتنفّس عن مشاعرها، وتتخلّص من أعباء الحياة اليوميّة. هي محاورة يوميّة للذّات يصبح فيها الورق الملجأ والصديق، ومؤتمن الأسرار، ومرآة تعكس صورة «الأنا » في مختلف تجلّياته وحالاته، بين الفرح والحزن والأمل والانكسار في حياة تنشد فيها الكاتبة الحريّة والمساواة والعدل والكرامة والحقّ في وطن يحلو فيه العيش

الحب لازمو يحررك، يزينك، يداؤيك، ينحيلك العقد، يضوي ثنيتك، يخليك ترقد وتقوم فرحانة، هو اليد اللي تطلعك الفوق وتحطك في مقام يليق بيك وتدزك القدام باش تخرج منك أحلى ما فيك

الكتاب هذا ما يشبه لحتى كتاب قريتوه، كتاب باش يرجكم، باش يمسكم في الجواجي، باش يبدل نظرتكم للدنيا، ومكمش باش تخرجوا منو سالمين

يقولولي العالم هذا مزيان، يكذبوا علينا، العالم هذا ما يشبهليش ما عندوش بوسة الخالة إلي في كف يديا، لا الورد إلي على خديا، ما عندوش لمعت عينيا. ما عندوش السر إلي في رموش كل بنية، العالم هذا كذاب، ما تمشي فيه حتى نصيحة، كل يوم يعطيك طريحة و زيد يغزرلك بعين صحيحة، يلعب بيك، يبيعك و يضحك على شاريك. نحب نغني ما تسرقوش صوتي مني، نحب نطير مع الأطيار، نحب يهديولي نوار و مالرماد تشعل النار

شنوة تعمل في حياتك؟

سألوكمشي نهار اللّي ما عملتوش في حياتك؟

شنيّة القراية اللّي تمنيت تقراها و ما قريتهاش؟ شنية الخدمة اللّي تمنيت تخدمها و ماخدمتهاش ؟

شنوّة السبور اللّي تمنّيت راك ترانيتو في الصغرة سنين؟

شكون الانسان اللّي حبّيتو و ما حبّكش؟ شنيّة الريحة اللّي ترجّعك غشّير عمرو أربعة؟

شنوّة يخوّفك؟ شنوّة اللّحن اللّي كي تسمعو تخرج من سينتك؟ شنيّة الغناية اللّي تحسّها تحكي عليك؟

شنوّة السرّ اللّي تحشم بيه و قعد مخبي في وسطك و عمرك لا حكيتو لحد؟ كيفاش عاودت قمت بعد آخر تكسيرة تفتفتت فيها روحك؟

أناهو أكثر كتاب أثّر فيك؟

قدّاش من مرّة حسّيت روحك وحدك و انت بين العباد؟

شنوّة تعنيلك الحريّة وهل انّو لحمك يتقشعر كي تسمع السولاميّة؟ شنوة الفيلم اللّي بكيت فيه من جواجيك؟ شكون حبّك الأول؟ أحكيلي عليه و على خزرتو و لون عينيه؟