حد ما يعرف وين يهزني التخمام و لا فاش نخمم و إلا سر الضحكة لي نضحكها بيني و بين روحي كي نصنع فيلم و نشيخ بيه، كي نتذكر نهار موش عادي كنت ناسيتو، و قداه أحلام و أمنيات تهبطلي في الليل و الحكايات ألي صارت بالحق و الأخرى لي مازالت جرد سيناريوات. حد ما يعرفني خلفي...

ساعات نغزر للمراية و نحاول نفهم لي نرى فيه زعمة حقيقة ولا منام؟ نحل عينيا مليح... لا مانيش نحلم. هذا وجهي إلي في المراية أما مذبال و كل شيء فيه متبدل و خزرتي ما تتفهمش...

يوميّات امرأة حالمة هي يوميّات أستاذة تونسيّة، تخوض تجربة كتابة اليومي فتدوّن حصيلة يومها خوفا عليها من النسيان محاولة تثبيت لحظات من حياتها برسمها على الورق. ويوميّاتها أيضا رحلة في عالم «الأنا» تحاور فيها الذّات ذاتها لتفكّر في ما يشغلها، وتنفّس عن مشاعرها، وتتخلّص من أعباء الحياة اليوميّة. هي محاورة يوميّة للذّات يصبح فيها الورق الملجأ والصديق، ومؤتمن الأسرار، ومرآة تعكس صورة «الأنا » في مختلف تجلّياته وحالاته، بين الفرح والحزن والأمل والانكسار في حياة تنشد فيها الكاتبة الحريّة والمساواة والعدل والكرامة والحقّ في وطن يحلو فيه العيش

وإن كنت لست من مناصري التصنيفات الإبداعية حسب الجنس إلى شعر أنثوي نسوي وشعر ذكوري رجالي، فالشعر والأدب عموما إنساني بدرجة أولى، كغيره من أشكال الفن والإبداع الأخرى، ورغم ذلك أرى في تجربة الشاعرة هيفاء الزرّاد وفي التجارب النسائية التونسيّة عموما مذخرا ثقافيا إبداعيا أعتز به شخصيًا حيث أراها سبّاقة ورائدة بحكم تحررها الفكري والإيديولوجي والإبداعي إلى أنماط حداثية في الكتابة على مستوى الفكرة والصورة والمضمون واللغة. “وعد الحبّ دين” تجربة إبداعيّة جديرة بالاهتمام والدّراسة وإضافة للمشهد الإبداعيّ التّونسي. - بسمة الحذيري

مدائن الماء للشاعر التونسي معز ماجد، ضمن سلسلة «ش». يقول أشرف القرقني في تقديمه عن تجربة الشاعر: يملكُ هذا الصّوتُ، في واقع الأمر، عيوناً كثيرةً، إنّما هي عيونُ طفلٍ متسكّع على طريقة بودلير، يترحّلُ بين الأحراش ومَواطن الرّياح والشِّعاب، كما يتنقّل بين المدن والشّوارع والمتاجر، يسري في نسغ الأزمنة الماضية وذكرياتها، ويتولّدُ في جذر الحاضر المتجدّد دوماً، الحاضر الذي هو دوماً زمنُ الشّعر

الحب لازمو يحررك، يزينك، يداؤيك، ينحيلك العقد، يضوي ثنيتك، يخليك ترقد وتقوم فرحانة، هو اليد اللي تطلعك الفوق وتحطك في مقام يليق بيك وتدزك القدام باش تخرج منك أحلى ما فيك

على الجانب الآخر من الرصيف، أعمدة حديدية مغروسة كسكاكين في أحشاء الإسفلت. وَضَعها أعوان البلدّية ليعلنوا حدودا فاصلة بين الشارع والشاطئ ليرسموا خط العبور دون أحذية .. كنت حافية، تمديّن القمر ّ بنور من عينيك وتطوقين الصخور المالحة بكفيك فتتركين عليها علامات كالطلاسم لا أفقه سرها ثم تطرزين من خصلات شعرك البني لحافا تبسطينه لتجلسي هناك .. وحيدة .. أمام البحر

الكتاب هذا ما يشبه لحتى كتاب قريتوه، كتاب باش يرجكم، باش يمسكم في الجواجي، باش يبدل نظرتكم للدنيا، ومكمش باش تخرجوا منو سالمين

Une écriture de liberté qui vous porte à travers d'innombrables voyages, réels ou inventés, dans un Orient subjectif, vous conduisant au plus près de l'être. On y retrouve, au cœur, la femme et l'homme, dans une altérité originelle, fondatrice. Charnel et spirituel se conjuguent incessamment, poussent les limites vers la lumière.

يقولولي العالم هذا مزيان، يكذبوا علينا، العالم هذا ما يشبهليش ما عندوش بوسة الخالة إلي في كف يديا، لا الورد إلي على خديا، ما عندوش لمعت عينيا. ما عندوش السر إلي في رموش كل بنية، العالم هذا كذاب، ما تمشي فيه حتى نصيحة، كل يوم يعطيك طريحة و زيد يغزرلك بعين صحيحة، يلعب بيك، يبيعك و يضحك على شاريك. نحب نغني ما تسرقوش صوتي مني، نحب نطير مع الأطيار، نحب يهديولي نوار و مالرماد تشعل النار

تعتبر هذه النصوص إضافة حقيقية يجد فيها دارسو الشابي طلبتهم، ففيها من إشراق لغته، و مذهب أخيلته، و بديع صوره، ووقد أحزانه و مؤتلق و طنيته ما لا يدانى . إن الصورة الفنية عنده لا تقوم على المجاز و الاستعارة فقط كما هو الشأن في القديم، و انما تقوم الى ذلك على جماليات الأنظمة اللغوية ( الصوتية و الصرفية و النحوية) ، فمن خلال النظام الصوتي لكلمات الشاعر الشفافة تتبدى الحروف و المقاطع نغما لافتا كما يتبدى دور التعدد الصوتي في البنية الموسيقية ، و تتضح جماليات النظام الصرفي في الدور الجمالي للصيغ. أما جماليات النظام النحوي فتتجلى في بناء الجمل و خصائص تكوينها و المواقع النحوية للكلمات و أثر كل ذلك في بناء علاقات تركيبية جديدة، و من ثم فالصورة الفنية عند الشابي أوسع بكثير من المجاز و الاستعارة، و الموسيقى الشعرية أوسع بكثير من العروض

شنوة تعمل في حياتك؟

سألوكمشي نهار اللّي ما عملتوش في حياتك؟

شنيّة القراية اللّي تمنيت تقراها و ما قريتهاش؟ شنية الخدمة اللّي تمنيت تخدمها و ماخدمتهاش ؟

شنوّة السبور اللّي تمنّيت راك ترانيتو في الصغرة سنين؟

شكون الانسان اللّي حبّيتو و ما حبّكش؟ شنيّة الريحة اللّي ترجّعك غشّير عمرو أربعة؟

شنوّة يخوّفك؟ شنوّة اللّحن اللّي كي تسمعو تخرج من سينتك؟ شنيّة الغناية اللّي تحسّها تحكي عليك؟

شنوّة السرّ اللّي تحشم بيه و قعد مخبي في وسطك و عمرك لا حكيتو لحد؟ كيفاش عاودت قمت بعد آخر تكسيرة تفتفتت فيها روحك؟

أناهو أكثر كتاب أثّر فيك؟

قدّاش من مرّة حسّيت روحك وحدك و انت بين العباد؟

شنوّة تعنيلك الحريّة وهل انّو لحمك يتقشعر كي تسمع السولاميّة؟ شنوة الفيلم اللّي بكيت فيه من جواجيك؟ شكون حبّك الأول؟ أحكيلي عليه و على خزرتو و لون عينيه؟