أول ما يتناهى إلى أنفسنا عند سماع اسمه، مسلسل الخطاب على الباب الشهير، و بالتأكيد ڨمرة سيدي محروس، منامة عروسية و غيرها من المسلسلات الناجحة !

لكن سي علي اللواتي في الحقيقة، بالإضافة إلى كتابة سيناريوات الأعمال الدرامية،  شاعر، و مؤلف مسرحي 

و رسام، و سبق له نشر العديد من الكتب و اليوم نكتشف له رواية شديدة الإمتاع بلغة عامية افتقدناها كثيرا و ستثير فينا الشجن.

الكتاب هذا ما يشبه لحتى كتاب قريتوه، كتاب باش يرجكم، باش يمسكم في الجواجي، باش يبدل نظرتكم للدنيا، ومكمش باش تخرجوا منو سالمين

يقولولي العالم هذا مزيان، يكذبوا علينا، العالم هذا ما يشبهليش ما عندوش بوسة الخالة إلي في كف يديا، لا الورد إلي على خديا، ما عندوش لمعت عينيا. ما عندوش السر إلي في رموش كل بنية، العالم هذا كذاب، ما تمشي فيه حتى نصيحة، كل يوم يعطيك طريحة و زيد يغزرلك بعين صحيحة، يلعب بيك، يبيعك و يضحك على شاريك. نحب نغني ما تسرقوش صوتي مني، نحب نطير مع الأطيار، نحب يهديولي نوار و مالرماد تشعل النار

باش نفعل، باش نجرب، باش نسعى، باش نبدل حاجات في روحي، باش نبني باش نواجه، باش نخلق الفرص، باش نصقل موهبتي في عوض ماني قاعدة نقتل فيها

باش نخدم مع الصغــار و الكبار على نصوص و ارتجـال و نخرج الصيحة اللي عندهم الــداخل و غامــينها، و الغصة و الهبــلة و التخبيلة و التشكــبينة لازمها تولي إبــداعو أحلام و جمــال و صقلان و شطيح و دمــوع و شكوك و تراك و طيـاح و نجاح و طـــيرة، آما خدمـتي الأولة باش تكون قبــولي آنا

 لروحي كيـــما هي، أني نعيش معاها باهتزازاتها و إنكساراتها و عقدها و صحيحها و غالطــها و يميــنها و يســارها و نورها و ظلامـها و نسيبها على طـلق ذراعــها من غــير ما يحــكم لا علــيها لا فــيها حد, بعــيدا عن ديكتـــاتورية الموضة و الجمــال المزيف و ديكتاتورية الجهل و الدهماء

باش نكون كيما نحب انا نكون، و سأبقى حيث الرقص و الغناء لأن الأشـرار لا يرقصون و لا يغنون

ينقبون عن فيلسوف فرنسي في وجهي. ما أعظم وفاءهم لذكراه و لرموز الثقافة الفرنسية ! كأن العالم لا يعرف أن قدماء المحاربين الفرنسيين قد صاحوا خلال الستينات في قلب الشانزيلزيه : "اعدموا سارتر!"، و أن صوته الناشز لم تطقه اسماعهم في هذه البلاد. ثم ما علاقتي أنا بذلك الرجل ؟ هو نشأ في عائلة برجوازية، و أنا ولدت في قرية حدودية أفقر من العريان. والده عمل بالجيش ووالدي مفتون بعداسية و مهرب تلحقه شرطة الحدود